Сарлавҳага чиқарилган савол тошкентлик таҳлилчи Анвар Назир билан бугунги суҳбатда президент Мирзиёевнинг Ўзбекистон халқига янги йил табригини муҳокама қилиш жараёнида пайдо бўлди. Табрикда “Чет эллардаги ватандошларимиз билан алоқаларни кенгайтиришга янада катта эътибор қаратамиз”, дейилган. Табрикда мана бу гап ҳам бор: “2018 йил Ўзбекистон тараққиётида ҳал қилувчи йил бўлади, деб айтишга барча асосларимиз бор”.
Суҳбат давомида президент табриги матнидаги яна бир-икки фикр атрофида сўз бўлди. Мана улардан бири: “Энг муҳими, давлатнинг халққа муносабати ўзгармоқда...”
