Ғазода ҳалок бўлганлар 1200, ярадорлар сони 5600 дан ошди
Ғазо аҳолиси 12 октабр, урушнинг олтинчи куни яна бомбардимон садолари билан уйғонди.
Хон Юнисда аҳоли вайрон бўлган бинолар остидан жасадларни қидирмоқда.
Ғазо соғлиқни сақлаш вазирлигига кўра, бўлгада ҳалок бўлганлар сони 1200 нафарга етган, ярадорлар сони 5600 дан ошган.
Исроил 24 соат ичида Ғазодаги 450 та нишонга зарба берилганини айтмоқда.
Шанба куни Исроилга ёриб кирган Ҳамас жангарилари 1200 кишини ўлдирган, 2700 дан ортиқ кишини яралаган ва кўплаб одамларни гаровга олган.
Бу хунрезликка жавобан Исроил Ғазода қасос ҳужумларини амалга оширмоқда.
Исроилда тузилган қўшма ҳукумат Ҳамасни ер юзидан супуриб ташлашга ваъда берди.
Фаластин томонига кўра, Ғазода 535 га яқин турар-жой биноси вайрон бўлган, 250 мингга яқин киши бошпанасиз қолган.
Исроил Ғазони "тўлиқ қамал" остига олганини билдирди.
Қарийб 2 ярим миллион аҳолисига эга бўлгага озиқ-овқат ва ёқилғи келиши тўхтаган.
Чоршанба куни Ғазодаги ягона электр станцияси ишламай қолгандан кейин бўлга буткул зулматга чўмган.
Исроил мудофаа вазирлиги 12 октабр ХАМАСга тегишли экани айтилаётган нишонларнинг ракеталар билан урилган акс этган тасвирларини эълон қилди.
Тасвирлар қачон суратга олинганини тасдиқлаш имконсиз.
Исроил Бош вазири Бинямин Нетаняху чоршанба куни Хамасга қарши урушни мувофиқлаштириш учун фавқулодда ҳукумат тузди. Унинг мудофаа вазири шанба кунги хунрезлик учун Фаластин жангари гуруҳини “ер юзидан” йўқ қилишга ваъда берди.
Блинкен Қуддусда Исроил бош вазири Нетаняху билан музокара ўтказди
АҚШ Давлат котиби Энтони Блинкен пайшанба куни Фаластиннинг ХАМАС жангариларининг ҳужуми ва Исроилнинг Ғазога ҳужумлари ортидан минтақада миқёсли уруш бошланишининг олдини олиш мақсадида Яқин Шарқ миссияси билан Исроилга келди.
Блинкен аввалига Исаак Ҳерцог билан учрашди. Кейин АҚШ давлат котиби Қуддусга борди ва Исроил бош вазири Бенямин Нетаняху билан музокаралар ўтказди.
Исроилга кетаётиб Блинкен журналистларга АҚШнинг минтақавий иттифоқчилари кўмагида Ҳамас асирда ушлаб турган 100 дан ортиқ исроилликни озод қилишга ҳаракат қилишини айтди.
Улардан баъзилари Америка фуқаролари ҳам бўлиши мумкин. Ҳужум пайтида камида 22 америкалик ҳалок бўлди, деди Блинкен ва бу рақам ортиши мумкин.
Ғазода қуруқлик амалиёти бошланиши кутилаётган бир пайтда Блинкен, Исроил халқаро қонунларга ҳурмат билан қараши ва тинч аҳоли қурбон бўлмаслиги учун ҳаракат қилиши кераклигини айтди.
Блинкен, шунингдек, Ғазо фуқароларининг зич жойлашган анклавдан хавфсиз ўтишини таъминлашга ҳаракат қилажагини қўшимча қилди.
Исроилдан кейин Блинкен Иорданияга боради ва у ерда қирол Абдулла ва Фаластин маъмурияти раҳбари Маҳмуд Аббос билан учрашади.
Исроилда тузилган қўшма ҳукумат Ҳамасни "ер юзидан супуриб ташлаш"га ваъда берди
Исроил Бош вазири Бинямин Нетаняху чоршанба куни Хамасга қарши урушни йўналтириш учун фавқулодда ҳукумат тузди ва унинг мудофаа вазири ҳафта охири бўлган ҳалокатли ҳужуми учун Фаластин жангари гуруҳини “ер юзидан” йўқ қилишга ваъда берди.
"Биз ИШИДдан ҳам баттарроқ шафқатсиз душманга қарши курашмоқдамиз. Улар ўғил-қизларимизни қатл қилди, эркак ва аёлларни тириклайин ёқиб юборди, ёш аёлларни зўрлади, қария ва болаларни гаровга олди, жангчиларимизни калласини олди", деди Нетаняху.
Исроил бош вазири ва собиқ мудофаа бошлиғи ва марказчи мухолифат партияси раҳбари Бенни Гантз қўшма баёнотда икки етакчи ва Мудофаа вазири Йоав Галлантдан иборат фавқулодда ҳукумат тузишга келишиб олганликларини айтишди.
Мудофаа вазири Галлант: "Биз Ҳамас деган нарсани ер юзидан ўчириб ташлаймиз", деди.
Нетаняху ва Гантз ўзларининг қўшма баёнотида, Ғазода ХАМАС билан жанглар пайтида фавқулодда ҳукумат ҳеч қандай алоқадор бўлмаган сиёсат ёки қонунларни қабул қилмасликларини билдиришган.
Байден Эронни огоҳлантирди
АҚШ президенти Жо Байден чоршанба куни Эронни Исроилнинг Хамас билан урушига аралашмаслик ҳақида огоҳлантирди.
Бу фаластинлик Хамас жангариларининг ҳужуми ва одамларни гаровга олиши ортидан Ғазо секторини Исроил бомбардимон қила бошлаганидан сўнг, унинг узоқ вақтдан бери Хамасни қўллаб-қувватлаб келаётган Теҳронга берган биринчи тўғридан-тўғри огоҳлантирувидир.
“Биз АҚШнинг авиаташувчи флотини Шарқий Ўрта ер денгизига кўчирдик. У ерга яна қирувчи самолётлар юборилмоқда ва бу эронликларга аниқ муждадир”, деди Байден.
Байден Оқ уйда яҳудий жамияти раҳбарларига телефон орқали мулоқотда Бош вазир Бенямин Нетаняхуга кўпроқ ҳарбий ёрдам ваъда қилганини айтди.
Исроил самолётлари ҳужумдан кейин бир неча кун давомида Ғазони бомбардимон қилди.
Исроил ХАМАСни йўқ қилиш учун қуруқликдан бостириб киришини кутаётгани сабабли, Байден Нетаняхуни уруш ҳаракатлари қонуний равишда олиб борилишига ишонч ҳосил қилишга чақирди.
"Мен айтган бир нарса шундаки, Исроил ғазаб ва умидсизлик билан ва адолатли равишда буни тушунтира олмаслиги жуда муҳим, улар уруш қоидалари, уруш қоидалари билан ҳаракат қилишади”, - деди Байден.
Байден баъзи америкаликлар ХАМАС томонидан гаровга олинганини тасдиқлади ва Вашингтон ўндан ортиқ бедарак йўқолган америкаликларни топиш устида ишламоқда, чунки Ҳамас жангарилари дам олиш кунлари Исроил шаҳарларига бостириб кирган.
Ушбу ҳужумларда 1000 дан ортиқ одам ҳалок бўлди, улардан 22 нафари америкаликлар.