"Қарши университетида қабул жараёнида порахўрлик бўлаяпти"
Қашқадарёлик муштарий Қарши университетидаги қабул жараёнида порахўрлик ҳолатлари бўлаётганини иддао қилди:
"Ochirat kupayib ketganidan hamma pul ishlash tashvishida, nazoratga quyilgan talabalar ochiratsiz yani navbatga turmasdan delo qabul qilish uchun shustiri abuturentlardan 20-30 ming sumdan olib ichkarida qabuldagi oqituvchi bilan kelishib pul bergan abutirentni navbatsiz qabul qilishyapti.
Qiziq hollar juda kup, bitta oqituvchi pul bilan qabul qilsa, ikkinchi pul ololmayotganiga kuyib uzida adolat talab qiladimiye, lekin hammasi bir gur, bola boqish uchun universitet va inistitutlar pul topishning eng oson va qulay bozorga aylanib qoladi iyul va 1 avgustda" дея ёзди қаршилик абитуриент. (Унинг хати таҳрирсиз эълон қилинаяпти)
Самарқанд олийгоҳларида "Ректорский группа" учун абитуриентларни қийнашаяпти
Самарқандлик абитуриент вилоят олийгоҳларида бўлаётган кўзбўямачиликлар ва қаллобликлар ҳақида ҳикоя қилувчи қуйидаги мактубни Озодликка йўллади:
Ўзбекистон олий таълим муассасаларига қабул 20 июлгача давом этиши белгиланган. Коррупция авж олган олий таълим муассасаларига қабулда бир неча йиллардан буён "Ректорский группа" пайдо бўлган. Бунинг маъноси шундан иборатки, иложи борича бирор келишилган йўналишга олийгоҳ раҳбарияти томонидан қабулда кўпчиликнинг ҳужжатлари ҳар хил баҳоналар билан қабул қилинмайди.
Яъники, иложи борича ўша йўналишда камроқ ҳужжат топширилиши керак. Ушбу йўналишга ўқишга кирувчиларининг 100 %и айнан ректор ва проректорлар томонидан "гаплашилганлар" киришади. Ҳужжат топшира олганлар ҳам бир неча марта сарсонгарчиликлардан кейин топшириши мумкин.
Хужжатлар одатда ҳар хил баҳоналар билан қабул қилинмайди. Масалан, "печат хира чиққан", "медформа икки хил ручкада ёзилган", аслида керак бўлмаган "Маҳалладан справка", "расмга хира тушгансан" ва бошқа...
Худди шундай "Ректор группаси" Самарқанд..... олийгоҳида (олийгоҳ номи ёзилган, лекин маълумот текширилмагани боис ошкор қилинмаяпти. -таҳр) ишламоқда.
Одатда энг кўп ҳужжат қабул қилинадиган тарих йўналишида раҳбарият томонидан факултет қабулига масъул этиб тайинланган факултет катта ўқитувчиси А.Р. (исм тўлиқ ёзилган, лекин маълумот текширилмагани боис ошкор қилинмаяпти. –таҳр. ) фақат олдиндан гаплашилган абитуриентларни киргизмоқда.
Қолган абитуриентлар ҳужжатлари юқоридаги баҳоналарга асосан, қайтарилмоқда.
Бу борада шикоят қилган абитуриентларга "Сен жамоат тартибини бузаяпсан", "Мелисага бервораман", "Хали сени ҳужжатларинингни топшира олмайдиган қиламан" деб пўписа қилишмоқда.
"Ижтимоий иш" йўналишида эса бу борада бошқача "Движение" бўлади, яъни унинг "Президент асарлари" фанидан ижодий имтиҳони бор. Ижодий имтихонда 70 балл тўпланиши мумкин. Гаплашилган "абитуриентлар" ёзма ишида нима ёзишидан қатъий назар юқори балл, минг билими билан топширганлар паст олишади. Бу ишларнинг бошида албатта ректор ва уни бу борада уни "Страховка" қилиб турган "орган ходимлари" бор.
.... факултетига бирорта "бегона" ўқишга кира олмайди. Бу нарса факултет пайдо бўлган йилдан буён "бир хил тартибда" ишлайди. Бунинг схемаси шундан иборатки, имтихонларни назорат қилаётган куч ишлатар тизим ходимлари "шундай кўрмай қолишади" нима бўлганинини. Аслида бу борада улар ҳам ким ўқишга киришию кирмаслигидан огоҳлантирилишади.
Маълумки, 20 июль кунигача абитуриентлар ўз ҳужжатларини топширишади. Имтихонга 3-4 кун қолганда ким қайси бинодаги қайси хонада давлат тест имтихонларини топшириши маълум қилинади. Ана шунда "Ректорский группа" алоҳида бирорта чеккароқ бинодаги хонага тўплантирилади. Мазкур бинонинг айнан шу хонасида ҳамма гаплашилганларга бемалол "ёрдамчилар" келиб вариантларини ишлаб беришади.
Самарқандлик абитуриент хати таҳрирсиз эълон қилинди
Абитуриентлардан “Қидирувда эмас” деган маълумотнома талаб қилинмоқда
2016-2017 ўқув йили учун ҳужжат қабул қилаётган Ўзбекистондаги тиббиёт олийгоҳлари абитуриентлардан “Қидирувда эмас” деган мазмундаги қўшимча маълумотнома талаб қилинмоқда.
Бу ҳақда Озодликка бўлажак абитуриентлардан бири хабар қилди. Кеча маҳаллий газеталар ҳам бу ҳақда ёзишди.
Ўзбекистон Соғлиқни сақлаш вазири Анвар Алимов абитуриентлардан "Қидирувда эмас" маълумотномасини талаб қилиш ноқонуний эканлигини таъкидлаган.
"Бу бўйича ҳеч қандай кўрсатма мавжуд эмас” дея қидирувда эмаслик ҳақидаги маълумотнома талаб қилиш асоссиз эканини билдирган Анвар Алимов.
Абитуриент эҳтиёт бўл: Ўзбекистонда фирибгарлар даври келди
Sputniknews-uz.com сайти абитуриентларни фирибгарлардан эҳтиёт бўлишга чақириб махсус мақола эълон қилди.