Наманган шаҳри марказидаги "Исфархон" савдо марказини 14 август куни қора ниқоблилар босгани ҳақидаги хабарни ўша ерда савдо қиладиган тадбиркорлардан бири Озодликка етказди:
- Улуғ айём кунларида халқни қақшатиб кетишди. 14 август эрталаб бирданига "Исфархон"га юз-кўзи кўринмайдиган қора ниқобли, автомат билан қуролланган одамлар бостириб келди. Улар дўконлардан харидорларни чиқариб юборди. Кейин солиқчилар, коррупция (коррупцияга қарши кураш бўлими ходимлари-таҳр.) кириб келди. Ичкарида фақат дўкон эгалари қолди, холос,- дейди исми сир қолишини сўраган тадбиркор.
Унинг айтишича, тадбиркорларнинг моллари қароқчи талагандай олиб чиқиб кетилган:
- Бу савдо марказида 100 дан ортиқ тадбиркорлар таланди. Оргтехникалар, кийим-кечаклар, газламалар, умуман саноат моллари билан савдо қилишарди. Ҳеч нарса қолмади. Менинг тахминий ҳисобимча камида 30та "КамАз"да кечгача юк олиб чиқиб кетилди,- дейди тадбиркор.
Суҳбатдошга кўра, кўпчилик тадбиркорлар ҳайит арафасида савдо яхши бўлади деб, дўконларини мол билан тўлдириб ташлашган бўлган:
- Уларни кеча кўриб раҳмим келди. Шўрликлар олиб кетилаётган молларига тикилиб ўтиришибди, йиғлашяпти, бироқ қўлларидан ҳеч нарса келмайди. Тушдан кейин аёл тадбиркорлар жанжал кўтарди, ойналарни синдиришди. Кейин милиция ходимлари келиб, уларни тарқатиб юборди,- дейди тадбиркор.
Исфархон савдо маркази яқинида яшайдиган 68 ёшли Муҳаммаджон аканинг айтишича, "қора ниқобли"лар бирданига қуюндай ёпирилиб келиб, бир зумда ҳаммаёқни тикткилаб ташлаган:
- Жуда ёмон бўлди. Камаз-камаз ташишди. Бир газлама сотадиган қўшним бор эди. Шўрликни битта ҳам молини қолдирмабди. Сўрамай-нетмай ҳаммасини олиб чиқиб кетишибди,- дейди Муҳаммаджон ака.
Жорий йилнинг 26 июл куни Тошкент вилоятининг “Қуёшли” посёлкасидаги канцелярия моллари билан савдо қиладиган улгуржи бозорни кучайтирилган милиция гуруҳи ёрдамида солиқчиларнинг “Бозор гуруҳи” босган эди.
Намангандаги "Исфархон" савдо марказини "қора ниқобли" автоматлилар ёрдамида Ўзбекистон Солиқ қўмитаси қошида ташкил этилган "Бозор гуруҳи" босгани тахмин қилинмоқда.
Бу каби рейдлардан мақсад Ўзбекистонга молларнинг контрабанда йўли билан олиб кирилишига қарши кураш экани айтилади.
Ўзбекистон Солиқ қўмитаси қошида ташкил этилган “Бозор гуруҳи” кейинги бир-икки йил ичида мамлакатдаги бир қанча савдо марказлари ва бозорларга шу пайтгача қайси идорага қарашли экани аниқ бўлмаган “қора ниқобли” гуруҳ ёрдамида рейдлар уюштирган эди.
Жорий йилнинг январ ойида "қора ниқоблилар", Тошкентдаги Чинни бозорини босган эди.
Сўнгги уч йил ичида Ўзбекистондаги йирик бозорларга ҳуқуқ-тартибот идораларининг "қора ниқобли" махсус кучлари томонидан бир неча бор рейдлар уюштирилди.
2011 йилнинг 16 сентябр куни Тошкентдаги "Малика" савдо марказида "Қора ниқоблилар" гуруҳи рейд ўтказиб, "Чиго" ва "Метро" дўконларининг ҳамма товарини мусодара қилган эди.
2011 йилнинг 17 июл куни қора ниқобли "сирли кучлар" Урганч шаҳридаги савдо уйида рейд ўтказган эди.
"Қора ниқоблилар" 2011 йилнинг 16-17 июн кунлари Янгийўл шаҳридаги ресторанлар ва буюм бозорини босган.
2011 йилнинг 2 март куни Тошкентда бу гуруҳ Божхона, Солиқ қўмитаси, Ўзстандарт агентлиги билан бирга, "Туркуаз" ширкатига қарашли дўконлар жойлашган савдо уйига рейд уюштирган эди.
- Улуғ айём кунларида халқни қақшатиб кетишди. 14 август эрталаб бирданига "Исфархон"га юз-кўзи кўринмайдиган қора ниқобли, автомат билан қуролланган одамлар бостириб келди. Улар дўконлардан харидорларни чиқариб юборди. Кейин солиқчилар, коррупция (коррупцияга қарши кураш бўлими ходимлари-таҳр.) кириб келди. Ичкарида фақат дўкон эгалари қолди, холос,- дейди исми сир қолишини сўраган тадбиркор.
Унинг айтишича, тадбиркорларнинг моллари қароқчи талагандай олиб чиқиб кетилган:
- Бу савдо марказида 100 дан ортиқ тадбиркорлар таланди. Оргтехникалар, кийим-кечаклар, газламалар, умуман саноат моллари билан савдо қилишарди. Ҳеч нарса қолмади. Менинг тахминий ҳисобимча камида 30та "КамАз"да кечгача юк олиб чиқиб кетилди,- дейди тадбиркор.
Суҳбатдошга кўра, кўпчилик тадбиркорлар ҳайит арафасида савдо яхши бўлади деб, дўконларини мол билан тўлдириб ташлашган бўлган:
- Уларни кеча кўриб раҳмим келди. Шўрликлар олиб кетилаётган молларига тикилиб ўтиришибди, йиғлашяпти, бироқ қўлларидан ҳеч нарса келмайди. Тушдан кейин аёл тадбиркорлар жанжал кўтарди, ойналарни синдиришди. Кейин милиция ходимлари келиб, уларни тарқатиб юборди,- дейди тадбиркор.
Исфархон савдо маркази яқинида яшайдиган 68 ёшли Муҳаммаджон аканинг айтишича, "қора ниқобли"лар бирданига қуюндай ёпирилиб келиб, бир зумда ҳаммаёқни тикткилаб ташлаган:
- Жуда ёмон бўлди. Камаз-камаз ташишди. Бир газлама сотадиган қўшним бор эди. Шўрликни битта ҳам молини қолдирмабди. Сўрамай-нетмай ҳаммасини олиб чиқиб кетишибди,- дейди Муҳаммаджон ака.
Жорий йилнинг 26 июл куни Тошкент вилоятининг “Қуёшли” посёлкасидаги канцелярия моллари билан савдо қиладиган улгуржи бозорни кучайтирилган милиция гуруҳи ёрдамида солиқчиларнинг “Бозор гуруҳи” босган эди.
Намангандаги "Исфархон" савдо марказини "қора ниқобли" автоматлилар ёрдамида Ўзбекистон Солиқ қўмитаси қошида ташкил этилган "Бозор гуруҳи" босгани тахмин қилинмоқда.
Бу каби рейдлардан мақсад Ўзбекистонга молларнинг контрабанда йўли билан олиб кирилишига қарши кураш экани айтилади.
Ўзбекистон Солиқ қўмитаси қошида ташкил этилган “Бозор гуруҳи” кейинги бир-икки йил ичида мамлакатдаги бир қанча савдо марказлари ва бозорларга шу пайтгача қайси идорага қарашли экани аниқ бўлмаган “қора ниқобли” гуруҳ ёрдамида рейдлар уюштирган эди.
Жорий йилнинг январ ойида "қора ниқоблилар", Тошкентдаги Чинни бозорини босган эди.
Сўнгги уч йил ичида Ўзбекистондаги йирик бозорларга ҳуқуқ-тартибот идораларининг "қора ниқобли" махсус кучлари томонидан бир неча бор рейдлар уюштирилди.
2011 йилнинг 16 сентябр куни Тошкентдаги "Малика" савдо марказида "Қора ниқоблилар" гуруҳи рейд ўтказиб, "Чиго" ва "Метро" дўконларининг ҳамма товарини мусодара қилган эди.
2011 йилнинг 17 июл куни қора ниқобли "сирли кучлар" Урганч шаҳридаги савдо уйида рейд ўтказган эди.
"Қора ниқоблилар" 2011 йилнинг 16-17 июн кунлари Янгийўл шаҳридаги ресторанлар ва буюм бозорини босган.
2011 йилнинг 2 март куни Тошкентда бу гуруҳ Божхона, Солиқ қўмитаси, Ўзстандарт агентлиги билан бирга, "Туркуаз" ширкатига қарашли дўконлар жойлашган савдо уйига рейд уюштирган эди.
