ЎЗБЕКИСТОН. “Мен – Елена Урлаева, Ўзбекистон инсон ҳуқуқлари альянсидан ёзмоқдаман. Мамлакатда мажбурий меҳнат қарши расман кураш эълон қилинган. Давлат меҳнат инспекцияси ҳолатларни текшириб жарима белгиламоқда. Аммо ҳудудларда авж олган мажбурий меҳнатни тўхтатиб бўлмаяпти.
Мажбурий меҳнатга барҳам беришнинг осон ва самарали йўлини айтайми? Бунинг учун фақат ҳудудлардаги кичик амалдорлар эмас, балки Тошкентда ўтириб пахта йиғиш, кластерларни кўпайтиришга буйруқ бераётган республика раҳбарлари ҳам жазога тортилиши керак!
Жорий йил 6 ноябрь куни Малайзия саноат вазирлиги делегацияси билан учрашувда ҳам ана шу фикрни айтдик. Қолаверса, Ўзбекистон фермерлари кластер тизимига қарши экани, пахта ўрнига бошқа экинлар етиштириш тарафдори эканини билдирдик. Ахир, ўн йиллар давомида тупроқдан фақат пахта етиштиришда фойдаланиб бўлмайди!
Айни пайтда кўпчилик Ўзбекистон пахтасига халқаро бойкотни бекор қилишни ёқламоқда. Биз эса пахта далаларида мажбурий меҳнатга буткул барҳам берилгунга қадар бойкот ўз кучида қолиши керак деб ҳисоблаймиз”.
(Бу хабар Озодликка 7 ноябрь куни келган.)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|