Ҳуқуқ фаоли Равшан Гапиров июн воқеалари пайтида ўзбекларга нисбатан қийноқлар қўлланилгани ҳақида Озодликка гапириб берди.
Равшан Гапиров ўшлик ўзбекларга нисбатан ҳибсдалиги пайтида қўлланилган қийноқлар ҳақида маълумотларни тўплаган ҳуқуқ фаолларидан бири.
Унинг ўғли ҳам Ўш қирғинида ҳибсга олинган эди.
Унга кўра, ҳибсга олинган ўзбекларга улар ўзбек бўлганлиги учунгина калтакланган ва қийноққа солинган.
Гапиров июн воқеалари хусусида билганларини Озодликка гапириб берди.
- Икки элнинг ўртасидаги уруш деб айта олмайман. Бу сафаргисини яшириша олмай қолди. Чунки видео, фотосуратлар кўп. Одамларда ҳеч бўлмаса соткаси бор. Сëмка қилинган¸ далилланган. Бу ҳукуматнинг ҳукумат органлари ëрдамида военний техника билан, қурол билан ўзбек миллатига нисбатан бўлган очиқдан очиқ уруш, дейди Равшан Гапиров.
Браузерингиз HTML5 ни қўллаб- қувватламайди
Р.Гапиров: Тирноқларини суғуриб, темирни қиздириб босишган