“5 йилдан буён ёзмаган жойим қолмади, Президент порталигача ёздим”, - деди OzodMikrofon билан суҳбатда тошкентлик ҳуқуқшунос Гулнора Оқилова. Россияда ишлаётган икки ўғлини Ўзбекистонга қайтариб, улар билан биргаликда Маиший хизмат уйи қуриш ва қурилажак ишхонада ҳам ўғилларини, ҳам бошқа бир неча ўн кишини иш билан таъминлашни ўйлаган Оқилованинг айтишича, 5 йилдан буён туман ва шаҳар даражасидаги тегишли идоралардан на “ер йўқ”, деган конкрет жавоб олди, на масаласи ҳал бўлди.
