Қурултой дастури давра столига йиғилган ўзбекистонлик шифокорлар мамлакатдаги расман бепул, амалда эса коррупция ва таъмагирлик урчиган соҳа бўлган тиббиëт дуч келган таназзул кўламини муҳокама қилишди.
Суҳбатдошларга кўра¸Ўзбекистондаги тиббиëтнинг ўзи муолажага муҳтож.
Февраль ойидан бошлаб касалхонага борган беморлар яна бир тўлов юзлашди.
Хасталикка учраган бемор муолажа учун шифокорга ва дори- дармонга тўланадиган пулдан ташқари эндиликда касалхона овқати учун ҳам ҳақ тўлаши керак.
Вазирлар Маҳкамасининг 2016 йил 5 февралдаги 31-сонли қарорига асосан Соғлиқни сақлаш вазирлиги тизимидаги стационар даволаниш ва профилактика муассасаларида овқатланишни ташкил қилиш ва унинг учун ҳақ тўлаш тартиби тасдиқланди.
Ўзбекистон соғлиқни сақлаш тизимидаги инқироз¸ хусусан¸ коррупция¸ беморларни ўзбек касалхоналарини қўйиб¸ ҳинд врачларига йўл олишга мажбур қилмоқда.
